கிடை

 "ஆட்டெரு அவ்வாண்டு, மாட்டெரு மறு ஆண்டு" - பழமொழி


ஆடு மாடுகளை மந்தை மந்தையாக வைத்திருப்பார்கள். பகற்பொழுதில் மேயவிட்டு நீர்பருகவிட்டுப் பேணுவர். இரவுப் பொழுதில் நிலத்தில் படுக்கவிடுவர். இதற்குக் 'கிடை' என்று பெயர். 'கிடையாடு', 'கிடைமாடு' என்பதே அவற்றுக்குப் பெயர். அவை வேற்றூர்களிலிருந்து ஓட்டி வரப்படுவதால் 'வரத்தாடு', 'வரத்துமாடு' எனப்படும்.

ஆடு மாடுகள் இரவு படுத்திருக்கும்போது சிறுநீர், சாணம் ஆகியவற்றை ஒரே வயலில் இடுவதால், அந்த வயலுக்கு நேரடியான இயற்கை உரம் கிடைக்கிறது. இந்த நடைமுறை காவிரிப் பாசன மாவட்டங்களில் இன்றும் நடைமுறையில் காணப்படுகிறது. இவ்வாறு கிடைபோட வயலின் உரிமையாளரிகளிடம் கிடைகாரர்கள் கட்டணம் வசூலிப்பர்.

நீண்ட காலம் பசுமாடு கன்று போடாமல் இருந்தாலும் கிடைக்கு அனுப்பப்படும். இங்கு பல காளை மாடுகளும் இருப்பதால், பசுக்கள் விரைவில் சினை பிடித்துக் கன்றுகளை ஈனும். மாட்டுமந்தைக்கென விடப்படும் பொலிகாளை 'கிடை ஏறி' எனப்படும். கிடையேறியினால் பெயர் பெற்ற ஊரே 'கிடேறிப்பட்டி' ஆகும்.
கிடேறி = கிடை+ஏறி
(படங்கள் : திருச்சி திருவெறும்பூரில் பறவைப் பார்த்தலின்போது எடுக்கப்பட்டவை.)

- பாலா பாரதி


Comments

Post a Comment

Popular posts from this blog

தோடர்களின் எருமைகள்

Image
  தோடர்களின் எருமைகள் தோடர்கள் எருமைகளை இறைவனுக்கு சமமாக கருதுகின்றனர். அவர்களின் கோயில்களில் எருமையின் கொம்பு அல்லது எருமையின் தலை வடிவம் இடம்பெற்றிருக்கும். இவர ்களின் நல்லது கெட்டது எல்லாவற்றிலும் எருமைகள் பங்குபெறுகின்றன. தோடர் இனப்பெண் வாசமல்லி அவர்கள் கூறுகிறார்: "எங்கள் சமூகத்தில் பிறப்பிலிருந்து இறப்பு வரை எருமை மாடுகள் கூடவே வரும். பெண்களுக்கு எருமைகளை சீதனமாக கொடுப்போம். குழந்தைப் பிறந்தால் அந்தக் குழந்தைக்கும் தாய்மாமனுக்கும் மாடு கொடுப்போம். எருமை நெய் இல்லாமல் கோயில்களில் விளக்கு ஏற்ற மாட்டோம். நாங்கள் நோய்நொடி இல்லாமல் ஆரோக்கியமாக இருக்கிறோம் என்றால் அதற்குக் காரணமே தோடா எருமைகள்தான். மூலிகைச் செடிகளைத் தின்று வளர்வதால் அவை தரும் பாலைக் குடிக்கும் எங்களை நோய்கள் அண்டுவதில்லை. எங்கள் சமூகத்தில் யாராவது இறந்துவிட்டால் அவருக்கு நெருக்கமானவர்கள் தங்களது வீட்டில் உள்ள எருமைகளில் ஒன்றை மேற்கு திசை நோக்கி துரத்தி விடுவர். அது இயற்கையாக மரணமடைந்து, இறந்தவர்களுக்கு இன்னொரு உலகத்திலும் பால் கொடுக்கும் என்பது எங்கள் முன்னோர்களின் நம்பிக்கை. காலப்போக்கில், மாடுகளை மேற்கு திசை நோ
Read more

தோடர்களின் வில்

Image
  பழங்குடி மக்களான தோடர்களின் மந்துக்குச் சென்றிருந்தபோது அவர்களின் வில்லைப்பற்றி கேட்டறிந்தோம். அவர்கள் பயன்படுத்தும் வில்லை ஒரு குறிப்பிட்ட மரத்திலிருந்துதான் செய்வார்களாம். இம்மரத்தை 'வில்லுமரம்' என்றே அழைக்கின்றனர். தற்போது வேட்டை தடைச் செய்யப்பட்டிருப்பதால் பாரம்பரியத்திற்காக மட்டும் செய்து வைத்துக்கொள்கிறார்களாம். பழங்காலத்திலிருந்தே வில் ஒரு முக்கிய ஆயுதமாக வேட்டையிலும், போர்களத்திலும் இருந்துள்ளது. மேல்பழைய கற்காலத்திற்கும் இடை கற்காலத்திற்கும் இடையில்தான் வில்லும் அம்பும் தோன்றியுள்ளன. வில், அம்பை எய்வதற்குப் பயன்படுகிறது. துப்பாக்கிககளின் வரவிற்கு முன்புவரை அவ்விடத்தை வில் பிடித்திருந்தது. இவை மரத்திலிருந்து செய்யப்பட்டன. நவீன வில்கள் பல்லடுக்கு மரம், கண்ணாடி இழை, உலோகங்கள், கரிம நார் போன்ற மூலபொருட்களால் ஆக்கபடுகின்றன. முழுவதுமாக ஒரே மரத்தைக் கொண்டு தயாரித்த வில் 'ஒருமரவில்' எனப்படுகிறது. - பாலா பாரதி
Read more

மாவளியோ...மாவளி....

Image
   கார்த்திகை திருநாள் வாழ்த்துகள் ... 'மாவளி’ சுற்றுதல் கார்த்திகைத் தீபநாளில் நடைத்தப்படும் விளையாட்டாகும். பனம்பூவைக் கருக்கித் தூளாக்கி பொட்டலமாகக் துணியில் கட்டி வைத்துக்கொள்வார்கள். இப்பொட்டலத்தை பனைஓலை மட்டைகளின் நடுவே வைத்துக் கட்டிவிடுவார்கள். இதை நீண்ட கயிற்றில் கட்டிவைத்துக்கொண்டு நெருப்பை வைத்து விடுவார்கள். இப்போது கயிற்றைப் பிடித்து வேகமாக சுற்றுவார்கள். அது தீப்பொறிகளைச் சிதறவிட்டு சுற்றுவதற்குத் தகுந்தவாறு பல உருவங்களை ஏற்படுத்தும்.(படங்கள் இணையத்திலிருந்து எடுக்கப்பட்டது) அப்போது "மாவளியோ மாவளி" என்று சத்தமிடுவார்கள். இது பார்ப்பதற்கு ஒரு இனிய காட்சியாக இருக்கும். மா ஒளி = பெரிய ஒளி என்பது மருவி மாவளி ஆகியிருக்க வேண்டும். அண்மையில் வெளிவந்த 'இரண்டாம் உலகப் போரின் கடைசி குண்டு' திரைப்படத்தில் கதாநாயகன் தினேஷ் மாவளிச் சுற்றிக்கொண்டு "மாவளியோ...மாவளி...." எப்பாடும் பாடல் இடம்பெற்றுள்ளது. இவ்வழக்கம் நீண்டகாலமாக வழக்கில் இருப்பதை, இக்காட்சி பாறைஓவியத்தில் காணப்படுவதிலிருந்து அறிந்துகொள்ளலாம். கிருஷ்ணகிரி மாவட்டம் ஐகுந்தம் பாறைஓவியத்தில் மாவளி
Read more